მომხმარებლის დანაზოგის გამოთვლა განსაზღვრული ინტეგრალის გამოყენებით
ავტორები: მაკა ლომთაძე
საკვანძო სიტყვები: განსაზღვრული ინტეგრალი; მრუდწირული ტრაპეციის ფართობი; მოთხოვნის ფუნქცია; მომხმარებლის დანაზოგი
J.E.L. Classification: C1, D60
DOI: https://doi.org/10.52244/ep.2024.27.07
ციტირებისათვის: ლომთაძე მ., (2024) მომხმარებლის დანაზოგის გამოთვლა განსაზღვრული ინტეგრალის გამოყენებით. ტ. 19, 1(27), გვ. 85-90. DOI: https://doi.org/10.52244/ep.2024.27.07
ანოტაცია.
მათემატიკური მეთოდების დაუფლება მრავალმხრივ აუცილებელია ეკონომიკისა და ბიზნესის ფაკულტეტის სტუდენტებისათვის. თანამედროვე კვლევებში და სახელმძღვანელოებში ავტორები აღნიშნავენ, რომ ეკონომიკის თეორიის საფუძვლიანი შესწავლა შეუძლებელია მათემატიკის კარგი ცოდნის გარეშე. მათემატიკა ეკონომისტებისთვის წარმოადგენს მძლავრ დამატებით იარაღს მის წინაშე მდგომი განსაკუთრებით რთული პრობლემების გადასაჭრელად. სტატიაში შესწავლილია ის საკითხი, რომელიც ხშირად გვხვდება ეკონომიკისა და ბიზნესის თეორიაში, კერძოდ განხილულია გარკვეულ დონეზე ვაჭრობისას მომხმარებლის დანაზოგის გამოთვლის მეთოდი განსაზღვრული ინტეგრალის გამოყენებით.
სტატიაში დამყარებულია ინტერდისციპლინური კავშირი განსაზღვრულ ინტეგრალსა და გარკვეული ტიპის ეკონომიკურ ამოცანებს, კერძოდ დონეზე ვაჭრობისას მომხმარებლის დანაზოგის გამოთვლას შორის. სტატიის მიზანია ეკონომიკის სპეციალობის სტუდენტებს უმაღლესი მათემატიკის საკითხების შესწავლის პარალელურად შევასწავლოთ მათემატიკური მეთოდების გამოყენებით ეკონომიკური ამოცანების ამოხსნის მარტივი მეთოდები. ამ მიზნით სტატიაში განხილულია რამდენიმე ამოცანა, რაც ვფიქრობთ, სტუდენტებისთვის საინტერესო და ადვილად ასათვისებელი იქნება. ასეთი ტიპის ამოცანების ამოხსნების მეთოდების შესწავლა საშუალებას მოგვცემს გამოვიკვლიოთ და გავაანალიზოთ აღნიშნული ტიპის მოდელები.
გამოყენებული ლიტერატურა:
- Thomas G.B., Weir M.D., Hass J., (2014) Thomas’ Calculus: Early Transcendentals, Thirteenth Edition, Pearson, New York.
- Chiang A., (2005) Fundamental Methods of Mathematical Economics”, The McGrow-Hill Company, International edition. - 688 pp.
- ნატროშვილი დ., გიორგაშვილი ლ., ჯაშიშვილი გ., (2008) მათემატიკა ეკონომისტებისთვის (მეორე გამოცემა). თბ., „ახალი ივერიონი“;
- თოფურია ს., ხოჭოლავა ვ., გაბიძაშვილი მ., მაჭარაშვილი ნ., (1991). უმაღლესი მათემატიკა. თბილისი.